ترسه یازی| ویکی پدیا فارسی

ترسه یازی

کئفلی ایسکندر گونده لیک دفترینده بئله یازیر :اؤلکه باشچی لارینین وریندن دوکتور جئری، و قالایچی مورتوض جنابلارینان  بیرگه بیلگین کونفوسیوسدان اؤیود آلیب اؤلکه نین گله جه گین پارلاق ائتمک ایچون اونون حوضورینه شرفیاب اولمامیشدان قاباق پست ایداره سیندن قاپیمیزا بیر پاکت گوندریلدی. پاکتی گؤندرن اینگیلیستان ائلچی لی گی ایدی.تعججوبله  پاکتی آچاندا،  ایچینده کی نامه نین آراسیندا بیر دسته دولارلاری گوردیم اؤزیمه گولیرلر. الیمی الیمه ویریب دولارلاری گوتورنده گؤزیم  کاغیذ داکی یازی یا ساتاشدی. یازی بئله ایدی: سایغین جناب کئفلی ایسکندر!بو دولارلار سنه آنانین سودو کیمی حالال اولسون! آنجاق بیر ایشی باجارمالیسان و اودا بودیر" کونفوسیوسون یانینا گئتمه میشدن دوکتور جئری نین گؤزلوگین گیزله دیب، قالایچی موتوضون جیبین ده له جکسن قلمی دوشسون وبئله لیکله اؤیودلری یازما ایشی سنه قالینجا، کونفوسیوسون اؤیودلرین ترسه سینه یازیب مملکت باشچی لارینین الینه چاتدیراسان! سیزین بو کیچیک خیدمتینیز یادیمیزدان چیخمایاجاق! بو آزجیق آیلیق عومور بویو سیزین حئسابینیزا یاتاجاق." بوگون من چوخ سئوینیرم. چونکی بو ایشی ده باجاردیم.........