اؤزو ییخیلان آغلاماز | ویکی پدیا فارسی

اؤزو ییخیلان آغلاماز

حضرات! ائشیتدیم کی قلئیچی مورنوض دایی نین هرزادین اوغرو آپاریب اؤزیده شیکایته گئدنده مئشه یولوندا بیر بوینو یوغون آیی یه توش گلیب. اوجورکی بیلیرسیز قلئیچی مورتوض منیم داییمدی و دئمگ اولار من اونی ان یاخشی تانییانلاردانام. ایشین اصلین بیلمگ ایسته سز هم قلئیچی مورتوض و ائله من اؤزومده اوغرو و یاخود اوغرولاری لااااپ یاخشی تانییریق. دئیه ن یوخدی کیشی! هرزادی الدن وئردین! یئنه ده عقلین باشیوا گلمه دی؟ بوتون اولایلار ال اله وئریرلر کی سن شیکایته گئتمییه سن آنجاق سن ائله یئنه ده اؤز بورنوون توشونا گئدیرسن گئدیرسن! گئت گؤره ک هارا گئده جکسن! ائله بیر او قالیب کی مئشه ده قوردا قوشا یئم اولاسان! عرض ائله ییم سایقین آغالار و خانیملارا  منی کی بونون باجیسی اوغلویام واوننان اتنن دیرناق کیمی یم، اؤزوندن اییریب هنده وردن قوودی. بوتون حوققابازدان، پیچاق کشدن ها بئله ایت اوینادیب خوروز دویوشدیرنلر هره سی بیر تزه دون گئییب بونو توولاماغا باشلادیلار. ترس اوادا اوغرو دجلین اوغلو دئوریمدن سونرا بئش اون گون اوردا بوردا سوله نیب  سونرا بیردن ده ییشیک بیر گؤرونتی نن کندین آرالیغیندا گؤرونماغا باشلانیب جماعتی مچیده دعوت ائله دی. آلنینا داغ باسیب سققلین اوزادان دجل اوغو بایرام منبرین دیبینده تسبیه چئویره چئویره اؤزونین نه جور بیردن بیره دئییشدیگیندن دانیشیردی و سؤز تاپانمییاندادا صالاواتی دال با دال چئویرتدیریردی. لاپ قاباقدا اوتوران قلئیچی دایی مینقلیب اولوب گؤزلری یاشلاناندا الینین دالیسینان گؤزیاشین سیله نده منده آغزیمی آچیب گوله گوله دئینده کی: دایی سن بو اوغرو بایرامین دئدیکلرینه اینانیرسان؟! الینین او یاشلی ترسینن یاپیشدیردی منیم آغزیمدان. منیم داییم ترس آوانین قلئیچی سی دی آنجاق نمنه قاب قاشیق قازانیم وار هامیسین پاخیر باسیب. بیلیرسیز نیه؟ چونکی قلئیچی مورتوض اوغرو بایرامین اؤزینین و اونون  قیریلمیش تؤره مه لرینین ساماوارلارین، کاسالارینن و یا خود قازانلارین هر دونه قلئی له ییب سورا دا اولاری قیزیل سوویلا سووارماقدان باش آچماییردی. اوغرو بایرام ترس آوانین بترین داغیداندا قلئیچی مورتوض دئدی: منه نه؟ دئمه لی بو دونه ده قلئیچی دایی نین نوباتی ایمیش!! آنجاق بو بیر پیس نیشانه دی. دئمه لی ترس آوانین داهی اوغورلاماغا بیر زادی قالمییب یوخسا هله هله نوبا قلئیچی به یئتیشمزدی.